recent
أخبار ساخنة

اذاى تلاقى وظيفة على موقع لينكدان

ِAhmed Gaber
الصفحة الرئيسية

اذاى تلاقى وظيفة على موقع لينكدان 



 اولاً لينكدان برنامج تواصل اجتماعى لكن تم تأسيسة من اجل التوظيف بمعنى حلقة وصل بين الشركات والمؤسسات اللى بتطلب موظفين وبين اللى بيدوروا على وظايف كل ما كان البروفايل بتاعك احترافى وفية تفاصيل وتفاعل هتشجع الناس انها تدخل تشوفة ودة بيزيد من فرصة قبولك وللعلم فى ناس بتقدم من خلالة وبتلاقى وظايف.

علشان تبدأ تدور على وظيفة على لينكدان
هتحمل البرنامج من جوجل بلاى على الرابط دة http://bit.ly/1VGdIVQ
بعدين تسجل بالايميل بتاعك ويفضل انك تعمل ايميل جديد ويكون بإسمك ولو عملة Gmail يبقى تمام خالص وطبعاً مش محتاج اوصيك انك تبعد عن الالقاب والكلمات الغريبة ذى مانو وميرو لأنك هتقفل اى شخص انة الميل اساساً اسم الايميل الكويس يدلعلى جدية صاحبة.

تبدأ تظبط البروفايل بتاعك وهتجيب الـ CV بتاعك وتنزلة على البروفايل بروفايلك اصلاً هيكون عبارة عن CV هتكتب فية كل اللى تعرفة او بمعنى افضل اللى تتقنة كويس قوى او لو بتدور على فرصة ممكن تكتب تخصصك وانك بتبحث عن فرصة للتدريب فى المجال الفلانى لو محتار ممكن تستعين بالاكونت بتاعى على الرابط دة http://bit.ly/1NfLpqG .

بعد ماتظبط البروفايل بتاعك تبتدى تدور على جروبات تهم مجال شغلك وقدر المستطاع تحاول تشارك العبرة من جروبات اللينكدان مش انك تتفرج ذى الفيس بوك كدة وتعمل لايك وخلاص لا لازم تشارك بتعليقاتك فية علشان الناس تشوفك بلاش تكون سلبى وتتفرج او تخاف من المشاركة انت متعرفش الكومنت اللى انت هتعملة دة ممكن يقنع حد بيك ويتواصل معاك.

شركة لينكدان برضة عملت برنامج ظريف جداً وسهل انك تدور بية على وظايف فى اى حتة فى الدنيا وهو LinkedIn Job Search دة من احسن البرامج اللى جربتها واسهلهم وعلى فكرة الشركات والمؤسسات الصحية الجادة هى اللى بتنشرعلية وظايف حقيقية ومطلوبة فعلا.

كل اللى حضرتك هتعملة هتنزل البرنامج من الرابط دة http://bit.ly/1RWL3Hx
وبعدين هتكتب المسمى الوظيفى بتاعك وليكن على سبيل المثال "Medical Laboratory Technologist" والمربع اللى تحته تكتب فية اسم الدولة اوممكن تسيبة فاضى وتعمل بحث فى حال سيبته فاضى هيجبلك كل فرص العمل المطلوبة للوظيفة دى على مستوى العالم.

هتختار اسم المؤسسة وتدخل تقرأ المطلوب منك إية وبعدين تضغط على Apply هيتبعت البروفايل بتاعك اتوماتك على الشركة ويضطلعوا علية او ممكن تاخد الميل وتبعت اوراقك مع الـ CV جرب كتير وابعت كتير وبلاش يأس مهما كانت النتيجة لازم تصبر شوية وصدقنى هتوصل.


بالتوفيق...
google-playkhamsatmostaqltradent