recent
أخبار ساخنة

الهجرة والعمل بـ استراليا لأخصائيين التحاليل الطبية

ِAhmed Gaber
الصفحة الرئيسية

  

 الهجرة والعمل بـ استراليا لأخصائيين التحاليل الطبية




بعد التخرج والتدريب والشغل فى مصر هتكتشف ان كتير من المعوقات قدامك إبتداء من تصريح المزاولة وكمان التراخيص وضغط العمل والتعرض لأى إصابة "لا قدّر الله" والـ 18 جنية بدل عدوى والخناقات اللى شغاله مين اللى المفروض يشتغل تحاليل ومين لأ وفى ظل جو لا يدعو ابداً للإستقرار كان لازم نفكر برة الصندوق شوية ونشوف الشغلانة دى ظروفها إية فى البلاد التانية

إذى تشتغل اخصائى تحاليل طبية فى استراليا؟
مبدئياً فى شوية معلومات اساسية هنقولها قبل ما نتكلم فى تفاصيل شغلنا احنا
اولاً:- نوع الفيزا
فية نوعين من الفيزا هما الاشهر 189 و 190
- 189 ويقصد بيها " Skilled Independent" عمالة ماهرة مستقلة.
وده اللينك:- http://www.border.gov.au/…/Sk…/skilled-occupations-lists/SOL

- 190 ويقصد بيها "Skilled Nominated" عمالة ماهرة ولكن مرشحة من قِبل ولاية
ودة اللينك:- http://www.border.gov.au/…/S…/skilled-occupations-lists/CSOL

* إية بقى فايدة نوع الفيزا دى ؟
كل نوع بينزل فية وظايف معينة واحيانا بيكون فية وظايف موجودة فى النوعين ولكن لو المهنة موجودة فى الفيزا 189 بيكون الوضع اسهل شوية لكن برضة 190 مش مشكلة ولا حاجة لكن بتبقى مفيدة فى انك لو نقاطك بس 55 ومش قادر تجيب 60 هتستفاد بالـ 5 درجات الباقيين اللى هما ترشيح الولاية للمهنة.

وبما إن مهنتنا فى القوائم الجديدة موجودة فى الـ SOL فإحنا كده نقدر نقدم على الفيزتين لكن الأفضل تقدم على 189 علشان تقدر تشتغل فى اى ولاية وتبقى غير ملزم بالعمل فى الولاية المرشح لها سنتين

ثانياً:- النقاط المطلوبة
طيب هو إية موضوع النقاط اللى انا اتكلمت علية ده ؟
علشان تهاجر فية نظام نقاط "score" لازم تحصل عليها او تستوفيها الاول علشان تقدر تهاجر بتعتمد على
"السن - المؤهل - الخبرة - اللغة الإنجليزية - مهنة الزوجة و خبرتها و مؤهلها"
السن :-
تحت 25 = 25 نقطة
من 25 ل 32 = 30
من 33 ل 39 = 25
من 40 ل 46 = 15
فوق 46 = صفر
المؤهل :-
بكالوريوس : 15نقطة
دبلوم : 10
الماستر: ذى البكالوريوس يعنى 15 نقطة
الدكتوره: لازم تكون معتمدة علشان تاخد عليها نقاط
الخبرة :-
اقل من 3 سنين : صفر
من 3 ل 5 : 5
من 5 ل 8 : 10
اكتر من 8 : 15
اللغة الإنجليزية:-
الـ IELTS General :- مطلوب 7 فى كل قسم
الـ TOEFL iBT :- مطلوب 95 درجة
الـ PTE :- مطلوب 65 درجة
(امتحان اللغة مهم وهو المبنى علية كل حاجة لإن دى لغة التوصل هناك)
الزوجة:-
لو الزوجة مهنتها في نفس الليست بتاعتك يعني189 و SOL او 190 و CSOL يبقى ينفع تاخد 5 درجات عنها بشروط تعمل تقييم مهنى ليها والإنجليزى بتاعها يكون كويس وسنها اقل من 50 سنة.

ثالثاً:- التقييم المهنى:-
ودى بتكون جهة بتقيم معلوماتك وشغلك حسب كل وظيفة فى الحالة بتاعتنا الجهة دى اسمها "AIMS" ودى بيقى لها امتحان فى تقريباً كدة ذى الـ ASCP على حد علمى بيكون امتحان اختار من متعدد فى كل الاقسام ممكن نقول هتمتحن "البورد الاسترالى" علشان يبقى معترف بشهادتك هناك وتقدر تشتغل عالطول والامتحان دة موجود فى الإمارات تقريباً هتكلم علية فى بوست لوحده لكن لو عايز معلومات اكتر ادخل على اللينك دة
https://www.aims.org.au/services/aims-assessments/medical-laboratory-scientist

طيب دلوقتى انت خلصت كل حاجة وامتحنت الإنجليزى وامتحنت ال AIMS وحسبت نقاطك وجاهز للتقديم
هتدخل على الموقع ده
http://www.border.gov.au/Trav/Visa-1/189-
والتقديم بيكون اونلاين (ده لينك الفيزا 189)

طيب شهادة الخبرة هنعمل فيها إية؟
شهادات الخبرة المقبولة من اغلب جهات التقييم تحتاج الاتى:-
1- مكتوبة على ورق الشركة الرسمي (عليه اللوجو و بيانات الاتصال بالشركة).
2- توضح اسمك و وظيفتك و تاريخ التوظيف.
3- يجب كتابة ان الوظيفة فول تايم او بارت تايم ..... او عدد الساعات الاسبوعية ..... اي من التلاتة دول.
4- يجب كتابة اسم الدولة اللي التوظيف فيها بشكل صريح و ليس فقط في عنوان الشركة.
5- يجب كتابة المسمى الوظيفي و المهام الوظيفية و الواجبات الوظيفية تفصيلا و ليس فقط المسمى الوظيفي.
6- اسم و وظيفة و توقيع كاتب الخطاب.

ملحوظة:- الخبرة لازم تكون عن عمل فعلى يستند على إثبات قبض مرتب او تحويل راتب الى حساب بنكى لإثبات انة عمل فعلى ليس تطوع او مجرد تدريب
*اثباتات القبض المقبولة
- كشوف حساب بنك يظهر فيها تحويل الراتب
- شهادة تامينات
- شيتات او ايصالات القبض payslips

كدة انا شرحتلك الحجات اللى ممكن تقدر تبدأ بيها وانتوا بقى عليكم تتعمقوا فى الموضع
لازم تعرف انك مهنتك مش مقتصرة على معمل مشهور يبيع ويشترى فيك بالعكس انت
قدامك مفتوحة الدنيا كلها لو انت لسة خريج جديد او طالب انصحك بشدة تذاكر انجليزى
وتبدأ من دلوقتى علشان تفتح لنفسك مجالات اكتر وانشر الكلام ده لكل صحابك


شكر خاص جداً للاستاذ احمد كمال شادى 
بالتوفيق للجميع...
د.احمد جابر عبد العزيز        

author-img
ِAhmed Gaber

تعليقات

4 تعليقات
إرسال تعليق
  • هبه11 أكتوبر 2015 في 2:16 م

    شكرا دكتور أحمد على هذه المعلومات القمية والرائعة.
    عندي سؤال ، هل هذه الوظيفة خاصة بالأطباء أم فنيي المعامل حيث أنني خريجة طب عين شمس وحاصلة على ماجيستير التحاليل الطبية وغير متأكدة من مسمى الوظيفة هل هو : 2346 MEDICAL LABORATORY SCIENTISTS
    أم
    253915 PATHOLOGIST
    حيث أن مكان تقييم أي منهما مختلف عن الآخر
    مع خالص تحياتي

    حذف التعليق
    • Unknown photo
      Unknown12 مايو 2017 في 2:35 م

      ماينفع اعمل امتحان قبل لغه ؟

      حذف التعليق
      • Peter Floyd photo
        Peter Floyd11 نوفمبر 2017 في 9:47 م

        What a post

        حذف التعليق
        • همس photo
          همس20 يوليو 2020 في 7:27 ص

          ينصر دينك... كفيت ووفيت

          حذف التعليق
          google-playkhamsatmostaqltradent